آئی سی سی ٹی ٹوئنٹی ورلڈ کپ کیلئے بھارت اور انگلینڈ نے اسکواڈ کا اعلان کردیا۔
بھارتی ٹیم کی قیادت روہت شرما کریں گے جبکہ ویرات کوہلی بھی اسکواڈ میں شامل ہیں۔ یشاسوی جیسوال، سریا کمار یادیو، ریشبھ پنٹ، سنجو سیمسن، ہاردک پانڈیا، رویندرا جڈیجا اور شیوم ڈوبے بھی انڈین ٹیم میں شامل ہیں۔
اکشر پٹیل، کلدیپ یادوو، یزوندرا چاہال، ارشدیپ سنگھ، جسپریت بمرا اور محمد سراج بھی بھارتی اسکواڈ میں شامل ہیں۔ رنکو سنگھ، شبمن گل، خلیل احمد اور آویش خان ریزرو پلیئرز میں شامل ہیں۔
دوسری جانب انگلینڈ کرکٹ بورڈ نے پاکستان کیخلاف سیریز اور ورلڈکپ کیلئے ابتدائی اسکواڈ کا اعلان کردیا۔ جوزبٹلر انگلش ٹیم کی قیادت کریں گے۔
معین علی، جوفرا آرچر، جونی بیئرسٹو، ہیری بروک، سیم کرن، عادل رشید اسکواڈ میں شامل ہیں۔ پاکستان ٹیم ورلڈکپ سے قبل 4 ٹی ٹوئنٹی میچز کیلئے انگلینڈ کا دورہ کرے گی، پہلا میچ بائیس مئی کو شیڈول ہے۔
واضح رہے کہ ٹی ٹوئنٹی ورلڈ کپ یکم جون 2024ء سے امریکا اور ویسٹ انڈیز میں شروع ہونے جا رہا ہے۔ انٹرنیشنل کرکٹ کونسل نے اعلان کیا ہے کہ جون میں ہونے والے ٹی 20 ورلڈ کپ کے میچز امریکا کے 3 ریاستوں نیویارک، فلوریڈا اور ٹیکساس میں منعقد کیے جائیں گے۔
