ویسٹ انڈیز ویمن کرکٹ ٹیم نے دوسرے ٹی 20 میں بھی پاکستان کو شکست دے دی۔
اتوار کو کراچی میں کھیلے جانے والے 5 میچز پر مشتمل ٹی 20 سیریز کے دوسرے میچ میں ویسٹ انڈیز نے پاکستان کو 7 وکٹوں سے شکست دی۔
پاکستان ویمن ٹیم نے ویسٹ انڈیز کیخلاف ٹاس جیت کر بیٹنگ کا فیصلہ کیا تھا اور مقررہ اوورز میں 7 وکٹوں کے نقصان پر 121 رنز بنائے تھے۔
منیبہ علی 55 رنز کے ساتھ ٹاپ سکورر رہیں جبکہ گل فیروزہ 14، ندا ڈار 13 اور سدرہ امین 10 رنز کی اننگ کھیل سکیں۔
ویسٹ انڈیز کی جانب سے ہیلی میتھیوز نے تین کھلاڑیوں کو پویلین کی راہ دکھائی۔
جواب میں ویسٹ انڈیز نے 122 رنز کا ہدف 3 وکٹوں کے نقصان پر 18.2 اوورز میں حاصل کر کے پاکستان کو 7 وکٹوں سے شکست دے دی۔
کپتان ہیلی میتھیوز 58 رنز کی اننگ کھیل نمایاں بیٹر رہیں۔
یاد رہے کہ ویسٹ انڈیز نے پانچ میچز کی سیریز میں دو ، صفر کی برتری حاصل کر لی ہے۔
