ن لیگی رہنما سائرہ افضل تارڑ کے والد اور سینئر سیاستدان افضل حسین تارڑ انتقال کر گئے، افضل تارڑ ماضی میں دو بار رکن قومی اسمبلی رہ چکے ہیں۔
افضل تارڑ قائد مسلم لیگ ( ن ) نواز شریف کے قریبی اور بااعتماد ساتھیوں میں سے تھے اور سابق وفاقی وزیر اور موجودہ رکن قومی اسمبلی سائرہ افضل تارڑکے والد ہیں، وہ طویل عرصے سے علیل تھے۔
وزیراعظم شہباز شریف نے افضل تارڑ کی وفات پر صاحبزادی سائرہ افضل تارڑ اور اہل خانہ سے تعزیت کااظہار کیا ہے۔
اپنے تعزیتی پیغام میں شہباز شریف کا کہنا تھا کہ افضل تارڑ کی وفات پارٹی کا بہت بڑا نقصان ہے، افضل تارڑ نہایت زیرک سیاستدان اور ہمیشہ دانائی کا مشورہ دینے والے وفادار بھائی تھے ۔
وزیراعلی پنجاب مریم نواز نے سینئر سیاستدان افضل تارڑ کی وفات پرگہرے دکھ کا اظہار کیا اور سائرہ افضل تارڑ اور اہل خانہ سے دلی ہمدردی اور تعزیت کی ۔
مریم نواز نے کہا کہ ملک وقوم ، پارٹی اور علاقے کے لئے اُن کی خدمات ہمیشہ یاد رکھی جائیں گی۔
سینئر وزیر پنجاب مریم اورنگزیب نے بھی پارٹی رہنما افضل تارڑ کی وفات پر افسوس کا اظہار کیا۔
