ویسٹ انڈیز ویمنز نے پاکستان ویمنز کو 5 میچوں کی سیریز کے پہلے ٹی 20 انٹرنیشنل میں دلچسپ مقابلے کے بعد صرف ایک رن سے شکست دے دی۔
جمعہ کے روز نیشنل بینک اسٹیڈیم کراچی میں کھیلے گئے میچ میں ویسٹ انڈیز ویمنز نے ٹاس جیت کر پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 122 رنز بنائے۔
جواب میں پاکستان ویمنز ٹیم 20 اوورز میں 8 وکٹوں کے نقصان پر121 رنز بنانے میں کامیاب ہوسکی۔
آخری اوور میں پاکستان ویمنز کو جیتنے کے لیے 12 رنز درکار تھے تاہم اس اوور میں 10 رنز بن پائے۔
کپتان ندا ڈار 27 رنز کے ساتھ نمایاں رہیں جبکہ سدرا امین نے 23، منیبہ علی نے 18 اور گل فیروزہ نے 13 رنز بنائے۔
دونوں ٹیموں کے درمیان سیریز کا دوسرا میچ اتوار کو کھیلا جائے گا۔
