چین میں پاکستان کیلئےتیارہونیوالی پہلی ہنگورکلاس آبدوزکی لانچنگ تقریب چین کےووچانگ شپ بلڈنگ انڈسٹری گروپ کمپنی لمیٹڈشوانگلیوبیس میں منعقدہوئی ہے ۔
آئی ایس پی آر کے مطابق چیف آف نیول اسٹاف ایڈمرل نویداشرف لانچنگ تقریب کےمہمان خصوصی تھے،حکومت پاکستان نے چینی صدر شی جن پنگ کے دورہ پاکستان کے دوران 8 ہنگور کلاس آبدوزوں کے حصول کے معاہدے پر دستخط کیے تھے، معاہدے کے تحت 4 آبدوزیں چین میں تعمیر کی جائیں گی جبکہ دیگر 4 پاکستان میں کراچی شپ یارڈ اینڈ انجینئرنگ ورکس لمیٹڈ میں تعمیر کی جائیں گی، یہ آبدوزیں جدید ترین ہتھیاروں اور سینسروں سے لیس ہوں گی جس سے دور تک اہداف کو نشانہ بنایا جا سکے گا۔
