رواں مالی سال جولائی تا مارچ آئی ٹی برآمدات میں تقریباً ساڑھے 17 فیصد کا نمایاں اضافہ ہوگیا۔
ًوزارت آئی ٹی کے مطابق جولائی تا مارچ آئی ٹی برآمدات میں تقریبا 34 کروڑ ڈالرز اضافہ ریکارڈ کیا گیا۔ اسی عرصے میں آئی ٹی کی مجموعی برآمدات 2 ارب 28 کروڑ 30 لاکھ ڈالرز تک پہنچ گئیں۔
اعداد وشمار کے مطابق گزشتہ سال اسی عرصے میں آئی ٹی برآمدات ایک ارب 94 کروڑ40 لاکھ ڈالرز تھیں، رواں سال مارچ میں آئی ٹی برآمدات میں 30 کروڑ 60 لاکھ ڈالرز اضافہ ہوا۔
رپورٹ کے مطابق گزشتہ سال مارچ کی نسبت آئی ٹی برآمدات میں 36 فیصد اضافہ ہوا، مارچ 2023 میں آئی ٹی برآمدات 22 کروڑ 50 لاکھ ڈالرز بڑھی تھیں، رواں سال فروری کی نسبت مارچ میں آئی ٹی برآمدات 19 فیصد بڑھیں۔
