ویسٹ انڈیز ویمن کرکٹ ٹیم نے گرین شرٹس کو پہلے ون ڈے انٹرنیشنل میں 113 رنز کے بڑے مارجن سے شکست دے دی۔
پاکستان اور ویسٹ انڈیز کی ویمن کرکٹ ٹیمیں ون ڈے سیریز کے پہلے میچ میں کراچی میں مدمقابل تھیں جہاں مہمان ٹیم نے پہلے بیٹنگ کرتے ہوئے میزبان ٹیم کو جیت کے لئے 270 رنز کا ہدف دیا۔
ویسٹ انڈیز کی کپتان ہیلی میتھیوز نے ناقابل شکست 140 رنز کی اننگ کھیلی جبکہ پاکستان کی طوبیٰ حسن اور سعدیہ اقبال نے دو، دو وکٹیں حاصل کیں۔
جواب میں پاکستان ٹیم 156 رنز بناکر آؤٹ ہوگئی اور ویسٹ انڈیز نے 113 رنز سے کامیابی سمیٹ کر سیریز کا فاتحانہ آغاز کرلیا۔
ویسٹ انڈیز کی جانب سے ہیلی میتھیوز نے تین کھلاڑیوں کو پویلین کی راہ دکھائی۔
