جیل میں بھارتی دہشتگرد سربجیت پرحملہ کرنیوالا فائرنگ سے زخمی ہوگیا۔
لاہور کےعلاقے اسلام پورہ میں نامعلوم موٹرسائیکل سواروں کی فائرنگ سے بھارتی دہشت گردسربجیت سنگھ پر جیل میں حملے میں ملوث عامرتانبا شدید زخمی ہوگیا، عامرتانبا کو شدید زخمی حالت میں اسپتال منتقل کردیا۔
واقعے کےبعد پولیس کی بھاری نفری جائے وقوعہ پر پہنچ گئی،علاقے کو گھیرے میں لےلیا،پولیس حکام کے مطابق عامرتانبا بھارتی دہشت گردسربجیت سنگھ پر جیل میں حملے میں ملوث تھا۔
پولیس کے مطابق 2013ء میں کوٹ لکھپت جیل کےدو قیدیوں عامرتانبا اور مدثر پر سربجیت سنگھ پرحملےکا الزام عائدکیا گیا تھا،بھارتی جاسوس سربجیت سنگھ زخموں کی تاب نہ لاتے ہوئے اسپتال میں دم توڑ گیا تھا۔
