اٹک خورد کے قریب دریائے سندھ میں کشتی الٹنے سے ایک شخص جاں بحق ہوگیا۔
ریسکیو ذرائع کے مطابق عیدالفطر کے دوسرے روز اٹک خورد کے قریب دریائے سندھ میں کشتی الٹے کا افسوسناک حادثہ پیش آیا جس کے نتیجے میں ایک شخص جاں بحق ہوگیا۔
ذرائع نے بتایا کہ کشتی میں 7 افراد سوار تھے جبکہ مقامی افراد نے دو خواتین سمیت 6 افراد کو بچا لیا۔
کشتی میں سوار تمام افراد کا تعلق خیبرپختونخوا سے تھا۔
حادثے میں جاں بحق ہونے والے 19 سالہ نوجوان کی لاش اسپتال منتقل کردی گئی ہے۔
