ویتنام کی ارب پتی پراپرٹی ڈویلپر ٹرونگ مائی لین کو بینک فراڈ کےجرم میں سزائے موت سنادی گئی۔
غیر ملکی میڈیا رپورٹس کے مطابق ایک 67 سالہ ویتنامی پراپرٹی ڈویلپر ٹرونگ مائی لین کو جمعرات کو 11 سال کے عرصے میں ملک کے سب سے بڑے بینکوں میں سے ایک کو لوٹنے کے جرم میں موت کی سزا سنائی گئی۔
ٹرونگ مائی لین 44 بلین ڈالر کے فراڈ میں ملوث ہیں اور انہوں نے 11 سال کی مدت میں بینک سے قرضہ لیا۔
ٹرائل کورٹ کے فیصلے کے مطابق انہیں 27 بلین ڈالرواپس کرنا ہوگا۔
ماہرین کےمطابق پیسے کی وصولی کیلئےانہیں سزائے موت سنائی گئی لیکن بینک کے پیسوں کی واپسی کا امکان بہت کم ہے۔
یہ ایک نایاب فیصلہ ہے ، ٹرونگ ویتنام کی ان چند خواتین میں سے ایک ہیں جنہیں وائٹ کالر جرم کے جرم میں موت کی سزا سنائی گئی ہے۔