نیوزی لینڈ کے خلاف ہوم سیریز کے لئے قومی سکواڈ کا اعلان منگل کو کیا جائے گا۔
قومی سلیکشن کمیٹی نیوزی لینڈ کے خلاف سکواڈ کا اعلان منگل کو کرے گی جبکہ سکواڈ کا اعلان قومی سلیکٹرز پریس کانفرنس کے ذریعے کریں گے۔
ذرائع کے مطابق نیوزی لینڈ کے خلاف قومی سکواڈ کے 18 رکنی کھلاڑیوں کے ناموں کا اعلان کئے جانے کا امکان ہے جبکہ محمد عثمان، عماد وسیم اور محمد عامر سکواڈ کا حصہ ہوں گے۔
عرفان نیازی یا عباس آفریدی کو بھی نیوزی لینڈ کے خلاف موقع دیا جانے کا امکان ہے۔
ذرائع کا کہنا تھا کہ قومی سلیکشن کمیٹی نے اسکواڈ کے حوالے سے مشاورت مکمل کرلی ہے، بابر اعظم، صائم ایوب ،محمد رضوان ،شاداب خان،افتخار احمد اسکواڈ کا حصہ ہوں گے جبکہ اعظم خان ، شاہین شاہ آفریدی ، نسیم شاہ اور زمان خان بھی سکواڈ میں شامل ہوں گے۔
ابرار احمد اور اسامہ میر میں سے ایک اسکواڈ کا حصہ ہوں گے جبکہ حارث روف کو انجری کے باعث ڈراپ کیا جائے گا۔
ذرائع کے مطابق سلمان علی آغا ، صاحبزادہ فرحان ،وسیم جونئیر اور فخر زمان بھی اسکواڈ میں شامل ہوں گے۔
نیوزی لینڈ کے خلاف ٹیم مینجمنٹ کا اعلان بھی ایک دو روز تک متوقع ہے ٹیم مینجمنٹ کے غیر ملکی ہیڈ کوچز کا اعلان 15 اپریل کے بعد کیا جائے گا اور اسسٹنٹ کوچ کا اعلان 20 اپریل کے بعد ہوگا۔
نیوزی لینڈ سیریز میں لوکل کوچز خدمات سرانجام دیں گے۔
قومی ٹی ٹونٹی اسکواڈ کے کھلاڑی 14 اپریل کو اسلام آباد میں رپورٹ کریں گے جبکہ نیوزی لینڈ کی ٹیم 14 اپریل کی علی الصبح اسلام آباد لینڈ کرے گی۔
پاکستان اور نیوزی لینڈ کے درمیان پہلا ٹی ٹوئنٹی میچ 18 اپریل کو راولپنڈی اسٹیڈیم میں کھیلا جائے گا۔
