خیبر پختونخوا کے ضلع ڈیرہ اسماعیل خان میں سیکیورٹی فورسز سے فائرنگ کے تبادلے میں 8 دہشتگرد ہلاک ہوگئے۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خفیہ اطلاعات کی بنیاد پر ڈیرہ اسماعیل خان میں کامیاب آپریشن کیا، شدید فائرنگ کے تبادلے میں 8 دہشتگرد موقع پر مارے گئے۔
آئی ایس پی آر) ہلاک دہشت گرد سیکیورٹی فورسز پر حملوں اور دہشتگردی میں ملوث تھے۔ ہلاک دہشتگردوں سے اسلحہ ، گولہ بارود اور دھماکہ خیز مواد بھی برآمد کرلیا گیا۔ مزید دہشتگردوں کی تلاش کے لیے آپریشن جاری ہے۔
ترجمان پاک فوج کے مطابق اہل علاقہ کی جانب سے بھی دہشتگردوں کے خلاف کارروائی کو سراہا گیا۔ سیکیورٹی فورسز دہشتگردگی کی لعنت ختم کرنے کے لیے پر عزم ہیں۔
