وزارت آئی ٹی و ٹیلی کمیونیکیشن کے تعاون سے حج آپریشن مکمل ڈیجیٹلائزڈ کرنے کا فیصلہ کر لیا ہے۔
نگران وزیر مذہبی امور کہتے ہیں حج آپریشن سے متعلق موجودہ سسٹم کو اپ گریڈ کرنے کی ضرورت ہے۔۔
نگران وزیر آئی ٹی ڈاکٹرعمرسیف نے حج آپریشن کے سسٹم کو فوری اپ گریڈ کرکے خامیاں دور کرنے کی ہدایت بھی کر دی۔
نگران وزیرآئی ٹی ڈاکٹرعمرسیف کی زیر صدارت میں وزیراعظم کی قائم کردہ خصوصی کمیٹی کا اجلاس ہوا، جس میںوزیرمذہبی امور نے کہا کہ ہم چاہتے ہیں وزارت آئی ٹی حج آپریشن سے متعلق موجودہ سسٹم کو اپ گریڈ کرنے میں معاونت فراہم کرے۔
وزیر آئی ٹی ڈاکٹرعمر سیف نے کہا نیشنل انفارمیشن ٹیکنالوجی بورڈ کی ماہر ٹیم وزارت حج میں تعینات کی جائے گی۔ ہدایت کی کہ عازمین حج کی سہولت و آگاہی کیلئے موبائل ایپلی کیشن اور ویب پورٹل تیار کیا جائے۔
نگران وزیر آئی ٹی ڈاکٹرعمرسیف نے مزید کہا کہ عازمین اور حجاج کرام حج سہولیات سے متعلق اپنا فیڈ بیک دے سکیں گے۔ڈیجیٹلائزیشن سے حج آپریشن کی خامیوں اورشکایات کو ختم کیا جاسکے گا۔
