نیوزی لینڈ کے خلاف ہوم سیریز کے لئے پاکستان کے اسکواڈ کا اعلان 8 اپریل کو متوقع ہے۔
ذرائع کے مطابق پاکستان کا اسکواڈ 17 یا 18 رکنی ہونے کا امکان ہے اور ممکنہ طور پر سکواڈ کی سلیکشن کے لیے سلیکٹرز کی میٹنگ 7 اپریل کو ہوگی۔
ہوم سیریز کی وجہ سے قومی سلیکشن کمیٹی کا زیادہ سے زیادہ کھلاڑیوں کو موقع دینے کا فیصلہ کیا گیا۔
قومی سلیکشن کمیٹی نے روایتی 15 رکنی اسکواڈ کی بجائے اضافی کھلاڑیوں کو اسکواڈ میں شامل کرنے کا فیصلہ کیا ہے۔
سلیکشن کمیٹی میں وہاب ریاض ، محمد یوسف، اسد شفیق، عبد الرزاق ، بلال افضل، حسن چیمہ اور عثمان واہلہ شامل ہیں۔
یاد رہے کہ پاکستان اور نیوزی لینڈ کے درمیان پانچ ٹی ٹوئنٹی میچز کی سیریز 18 اپریل سے شروع ہوگی، نیوزی لینڈ کرکٹ ٹیم 12 اپریل کو پاکستان کے لیے روانہ ہوگی۔
