قومی سلیکشن کمیٹی میں کون کون شامل ہوگا؟ نام منظر عام پر آگئے۔
ذرائع کے مطابق محمد یوسف، عبدالرزاق، وہاب ریاض اور اسد شفیق سلیکشن کمیٹی کا حصہ ہوں گے، سلیکشن کمیٹی کا کوئی چیف نہیں ہوگا، سلیکشن کمیٹی کے تمام اراکین کے پاس اختیارات ایک جیسے ہوں گے۔
واضح رہے کہ پاکستان کرکٹ بورڈ (پی سی بی) کی موجودہ سلیکشن کمیٹی کو تحلیل کردیا گیا ہے۔ ترجمان پی سی بی کے مطابق موجودہ سلیکشن کمیٹی کو تحلیل کر دیا گیا ہے اور نئی سلیکشن کمیٹی کا اعلان جلد کر دیا جائے گا۔
ترجمان پی سی بی کے مطابق نئی سلیکشن کمیٹی ٹیم کے انتخاب کیلئے میرٹ پر آزادانہ فیصلے کریگی، اور وہ فیصلے سب کے سامنے ہوں گے۔
خیال رہے کہ سابقہ سلیکشن کمیٹی کے سربراہ سابق ٹیسٹ کرکٹر وہاب ریاض تھے جبکہ کمیٹی ممبرز میں سابق ٹیسٹ کرکٹر وجاہت اللہ واسطی، توصیف احمد، وسیم حیدر، کامران اکمل شامل تھے۔
