فیفا ورلڈ کپ 2026 کوالیفائرز راؤنڈ 2 میں اردن نے پاکستان کو تین صفر سے شکست دے دی۔
اسلام آباد میں کھیلے جانے والے فیفا ورلڈ کپ 2026 کوالیفائرز راؤنڈ 2 میں پاکستان اور اردن کی ٹیمیں مدمقابل تھیں جہاں مہمان ٹیم نے میزبان ٹیم کو تین صفر سے شکست دے دی۔
فاتح ٹیم نے پہلے ہاف میں دو جبکہ دوسرے ہاف میں ایک گول کیا ، موسی التماری نے 2 اور علی الوان نے ایک گول سکور کیا۔
میچ کے دوران پاکستان کے گول کیپر یوسف اعجاز بٹ کی جانب سے عمدہ کھیل پیش کیا گیا اور انہوں نے پینلٹی سمیت کئی یقینی گول بچائے۔
اردن کے موسی التماری کو میں آف دی میچ قرار دیا گیا۔
یاد رہے کہ کوالیفائر گروپ میں اردن کی تیسری جبکہ پاکستان کی چوتھی پوزیشن ہے اور سعودی عرب چار پوائنٹ کے ساتھ گروپ میں سر فہرست ہے۔
