احتساب عدالت نے بانی پی ٹی آئی اور بشریٰ بی بی کے خلاف 190 ملین پاؤنڈ ریفرنس پر سماعت 26 مارچ تک ملتوی کر دی۔
بدھ کے روز احتساب عدالت اسلام آباد کے جج ناصر جاوید رانا نے اڈیالہ جیل میں کیس کی سماعت کی۔
وکلاء کے تاخیر سے پہنچنے پرجج نے برہمی کا اظہار کیا اور کہا میں صبح نو بجے سے یہاں آکر بیٹھا ہوں اور آپ لوگ اب آرہے ہیں جس پر وکلاء نے جواب دیا کہ وہ وقت پر آچکے تھے جیل انتظامیہ نے اندر بھجوانے میں تاخیری حربہ استعمال کیا۔
سماعت کے موقع پر بانی پی ٹی آئی اور بشریٰ بی بی کو عدالت پیش کیا گیا۔
ریفرنس میں اب تک سات گواہان کے بیانات ریکارڈ ہو چکے ہیں۔
عدالت نے دو گواہان کی شہادت قلمبند اور ایک پر جرح کرنے کے بعد کیس کی مزید سماعت 26 مارچ تک ملتوی کردی۔
