پاکستان کی نیوزی لینڈ کے خلاف ٹی ٹوینٹی سیریز کیلئے قومی ٹیم کے ممکنہ 25 رکنی سکواڈ کے انتخاب کیلئے قومی سلیکشن کمیٹی کے چیف سلیکٹر وہاب ریاض کی سربراہی میں اجلاس کل ہوگا۔
تفصیلات کے مطابق سلیکشن کمیٹی پی ایس ایل 9 میں پرفارمنس دینے والے نوجوان کھلاڑیوں کی شمولیت پر غور کرے گی، ممکنہ 25 رکنی اسکواڈ کا اعلان کل یا پرسوں متوقع ہے ، ممکنہ سکواڈ میں نئے لڑکوں کی شمولیت پر بھی غورکیا جارہاہے ۔
چیف سلیکٹر وہاب ریاض بھی پرانی سلیکشن کمیٹی کے ہمراہ مشاورت کریں گے ۔ مہران ممتاز ، حیدر علی ، عرفان نیازی، سلمان علی آغا کی شمولیت پر بھی غور کیا جائے گا۔پاکستان اور نیوزی لینڈ کے درمیان پانچ ٹی ٹونٹی میچز اپریل میں راولپنڈی اور لاہور میں شیڈول ہیں۔
