پاکستان کرکٹ بورڈ نے پی ایس ایل سیزن 9 کی ٹیم آف ٹورنامنٹ کا اعلان کر دیاہے جس کا کپتان شاداب خان کو مقرر کیا گیاہے ۔
تفصیلات کے مطابق قومی ٹیم ٹی ٹوینٹی کے کپتان شاہین شاہ آفریدی ٹیم آف ٹورنامنٹ میں جگہ نہیں بنا سکے ہیں تاہم ٹیم میں ملتان سلطانز کے5 ، اسلام آباد یونائیٹڈ کے3، پشاور زلمی کے 2 اور کراچی کنگز کا ایک کھلاڑی جگہ بنانے میں کامیب ہو گئے ہیں ۔
ٹیم میں ملتان سلطانز کے عثمان خان،افتخاراحمد،کرس جارڈن ،ڈیوڈویلی اسامہ میر بھٹی کو شامل کیا گیاہے جبکہ محمد رضوان کو 12ویں کھلاڑی کے طور پر لیا گیاہے ۔پشاورزلمی کے بابراعظم اور صائم ایوب کو ٹیم میں جگہ ملی، اسلام آباد یونائیٹڈ کے عماد وسیم اور نسیم شاہ ، کراچی کنگز کے عرفان خان نیازی کو شامل کیا گیاہے ، لاہورقلندرز اور کوئٹہ گلیڈی ایٹرزکاکوئی کھلاڑی پی ایس ایل ٹیم میں شامل نہیں ہے ۔
