جنوبی وزیرستان کے علاقے سپین کمر میں خواتین کے عالمی دن کی مناسبت سے تقریبات کا انعقاد کیا گیا۔
تقریبات کا مقصد معاشرے میں خواتین کا کلیدی کردار اور خواتین کے تعلیم کے حصول کی خاطر پاک فوج کی جانب سےکی جانے والی کوششوں کو خراج تحسین پیش کرنا تھا،تقریبات میں بڑی تعداد میں علاقے کی خواتین اورطالبات نے حصہ لیا۔
تقریبات میں سکول کے بچوں نے خواتین کی تعلیم کی اہمیت کے حوالے سے تقاریر کیں اور اسےوقت کی اہم ضرورت قراردیا،ڈسٹرکٹ ایجوکیشن آفیسر نے بچوں کے سالانہ داخلوں کی بذات خود نگرانی کی،خواتین و طالبات نے تعلیم کیلئے پاک فوج کی جانب سے منعقدہ ریلی میں بھی حصہ لیا۔
پاک فوج نے جنوبی وزیرستان میں خواتین کی تعلیم کے حصول کو یقینی بنانے کیلئے ٹھوس اقدامات پر کام کرتے ہوئے متعدد غیر فعال سکولوں کو نہ صرف فعال کیا بلکہ اساتذہ کی موجودگی کو بھی یقینی بنایا۔
پرائم فاؤنڈیشن کی جانب سےلگائے گئےمیڈیکل کمیپ میں موجود لیڈی ڈاکٹرز نے خواتین کو مفت علاج وادویات سمیت خواتین کو درپیش طبعی مسائل پرمشورے بھی دیں۔
علاقےکےمشران ،اساتذہ اورطالبات نے خواتین کی تعلیم و تربیت کےحوالے سےاقدامات کا شکریہ ادا کیا اور اسے علاقائی و ملکی ترقی کا ضامن قرار دیا۔
