ایمنیسٹی انٹرنیشنل اور سول سوسائٹی کی 28 دیگر تنظیموں نے پاکستان میں سوشل میڈیا ویب سائٹ ایکس کی بندش ختم کرنے کا مطالبہ کر دیا۔
ایمنیسٹی انٹرنیشنل اور سول سوسائٹی کی 28 دیگر تنظیموں کی جانب سے مشترکہ بیان جاری کیا گیا جس میں کہا گیا کہ پاکستان میں سماجی رابطوں کی ویب سائٹ ایکس 17 فروری سے بند ہے۔
بیان کے مطابق الیکشن والے دن سوشل میڈیا کے ساتھ ساتھ موبائل سروس بھی بند کی گئی یہ اقدامات نہ صرف اظہار رائے کی آزادی کے بنیادی حق کے خلاف ہے بلکہ اس سے فیک نیوز کی راہ بھی ہموار ہوتی ہے۔
بیان میں مطالبہ کیا گیا یہ پابندی فوراً اٹھانی چاہیے۔
