موجودہ مالی سال میں بڑی صنعتوں کی کارکردگی رپورٹ جاری کردی گئی۔ موجودہ مالی سال کے پہلے 7 ماہ میں گروتھ منفی 0.52 فیصد رہی۔
رپورٹ کے مطابق جنوری 2024ء میں لارج اسکیل مینوفیکچرنگ میں 1.84 فیصد اضافہ ہوا جبکہ جولائی تا جنوری ٹیکسٹائل کی پیداوار میں 10.41 فیصد تک کمی ریکارڈ کی گئی۔
اعداد وشمار کے مطابق 6 ماہ گاڑیوں کی پیداوار میں بھی 46.21 فیصد تک کمی رہی، تمباکو، پیپر بورڈ، لوہے، اسٹیل، کمپیوٹر، الیکٹرانکس کی پیداوار بھی گر گئی۔
ادارہ شماریات کے مطابق جنوری 2024ء میں مشینری کی پیداوار 162 فیصد تک بڑھی، کیمیکلز کی پیداوار میں 19.23 فیصد تک اضافہ ریکارڈ کیا گیا، کھاد کی پیداوار 30.32 فیصد اور ادویات کی 16.58 فیصد تک بڑھی۔
چمڑے کی مصنوعات 10.43 فیصد، ربڑ کی پیداوار8.13 فیصد، لکڑی کی مصنوعات کی پیداوار میں بھی 27 فیصد اضافہ ریکارڈ کیا گیا، جنوری میں ملبوسات کی پیداوار میں 28 فیصد اضافہ ہوا۔
