پاکستان کے عوام نے یوم پاکستان کے حوالے سے خصوصی پیغام جاری کر دیا۔
23 مارچ کو یوم پاکستان کے حوالے سے محب الوطن عوام نے محبت اور عقیدت کا اظہار کرتے ہوئے کہا ہے کہ ہماری ہر خوشی، ہر کامیابی، سب پاکستان کے نام ہے۔
عوام کا اپنے پیغام میں کہنا تھا کہ اتنی بڑی دنیا میں پاکستان ہی ہماری پہچان ہے اور ہمارے دل کی ہر دھڑکن کا نام پاکستان ہے۔
خصوصی پیغام میں عوام کا کہنا تھا کہ ہم ایک بند مُٹھی کی طرح ہیں جو کبھی جدا نہیں ہوسکتے، چلو آگے بڑھیں اپنی محنت اور لگن سے اور ہمارا پیشہ جو بھی ہو لیکن مقصد صرف ایک ہے کہ کچھ ایسا کر دکھائیں کہ اس وطن کو ہم پر ناز ہو۔
عوام کا کہنا ہے کہ پاکستان سے ہماری محبت لازوال ہے، ہماری اخوت، ہماری ہم آہنگی بے مثال ہے، ہماری کئی شاخیں ہیں لیکن بنیاد ایک ہی ہے، ہماری زبانیں مختلف ہیں لیکن بیان ایک ہے، یہاں ہر طرح کا رنگ ہے لیکن پاکستان ایک ہے۔
خدا کرے کہ یہ وطن ہمیشہ مسکراتا رہے، ہمارے پرچم پہ سجے چاند ستارا ہمیشہ جگمگاتے رہے۔
