اسلام آباد یونائیٹڈ نے ملتان سلطانز کو اہم میچ میں شکست دیتے ہوئے پلے آف مرحلے میں جگہ بنا لی ہے اور اس کامیابی کے بعد کولن منرو کو’ دودھ ہلدی‘ مسلسل پلانے کا اعلان بھی کر دیاہے ۔
تفصیلات کے مطابق اسلام آباد یونائیٹڈ کے کولن منرو نے انتہائی شاندار کھیل کا مظاہرہ کرتے ہوئے 84 رنز کی اننگ کھیلی اور ٹیم کو اہم سپورٹ فاہم کی جس پر شاداب خان نے مزاح کرتے ہوئے کہا کہ کوشش کریں گے انہیں دودھ ہلدی دیتے رہیں، کولن منروجس طرح کھیلا ہے اسے سپورٹ کی ضرورت تھی ۔ عماد وسیم کی پرفارمنس کو سراہتے ہوئے شاداب نے کہا کہ عماد نے جس طرح میچ فنش کیا ، ایسے کھلاڑی کو بیک کرنا چاہیے، بہر حال پچ دیکھ کر پتا تھا کہ ہم یہ ہدف حاصل کر لیں گے ،
ملتان سلطانز نے اسلام آباد کو جیت کیلئے 228 رنز کا ہدف دیا جسے اسلام آباد یونائیٹڈ نے 20 ویں اوور کی آخری گیند پر عبور کر تے ہوئے پلے آف مرحلے میں رسائی حاصل کر لی ۔اسلام آباد یونائیٹڈ کی جانب سے کولن منرو 84 رنز کے ساتھ سرفہرست رہے جبکہ جبکہ شاداب خان 54 رنز بنانے میں کامیاب ہوئے ۔ عماد وسیم نے شاندار کھیل کامظاہر کرتے ہوئے 30 رنز بنائے اور ٹیم کی جیت میں اہم کردار ادکیا جس کی تعریف شاداب نے بھی کی ۔
