پی ایس ایل 9 کے اہم میچ میں اسلام آباد یونائیٹڈ نے ملتان سلطانز کو 3 وکٹوں سے شکست دیتے ہوئے پلے آف مرحلے میں کولیفائی کر لیا۔
پی ایس ایل کے 27 ویں میچ میں اسلام آباد یونائیٹڈ اور ملتان سلطانز کی ٹیمیں راولپنڈی کرکٹ سٹیڈیم میں مدمقابل تھیں جہاں یونائیٹڈ نے ٹاس جیت کر پہلے فیلڈنگ کا فیصلہ کیا ہے اور سلطانز کو بیٹنگ کی دعوت دی ہے۔
ملتان سلطانز نے پہلے بیٹنگ کرتے ہوئے مقررہ 20 اوورز میں 4 وکٹوں کے نقصان پر 228 رنز بنائے اور 229 رنز کا ہدف دیا۔
سلطانز کی جانب سے عثمان خان نے ناقابل شکست 50 گیندوں پر 100 رنز کی شاندار اننگ کھیلی جبکہ دیگر بیٹرز میں جانسن چارلس 42 اور یاسر خان 33 رنز بنا کر نمایاں رہے۔
یونائیٹڈ کی جانب سے فہیم اشرف نے دو کھلاڑیوں کو پویلین کی راہ دکھائی۔
خیال رہے کہ میچ میں کامیابی اسلام آباد یونائیٹڈ کو پلے آف میں پہنچا دے گی۔
پوائنٹس ٹیبل پر ملتان سلطانز کا پہلا اور اسلام آباد یونائیٹڈ کا تیسرا نمبر ہے۔
