چینی صدر شی جن پنگ نے نو منتخب صدر پاکستان آصف علی زرداری کو مبارکباد پیش کی ہے۔
چین کے صدر شی جن پنگ نے پاکستانی ہم منصب کے نام تہنیتی پیغام جاری کیا ہے جس میں انہوں نے آصف علی زدرای کو صدر منتخب ہونے پر مبارکباد پیش کی اور مشترکہ مستقبل کے لیے مل کر کام کرنے کے عزم کا اظہار کیا۔
صدر شی نے کہا کہ پاک چین دوستی تاریخ کا انتخاب اور دونوں عوام کا قیمتی خزانہ ہے۔
شی کا کہنا تھا کہ بدلتی دنیا میں پاک چین دوستی کی اسٹریٹجک اہمیت میں اضافہ ہوا ہے، چین اور پاکستان اچھے ہمسایہ اور دوست ہیں۔
چینی صدر کا مزید کہنا تھا کہ سی پیک ہماری دوستی اور تعاون کا ثمر ہے، صدر زرداری کے ساتھ مل کر اس تعاون کو آگے بڑھانے کے خواہاں ہیں۔
