یوم پاکستان کے موقع پر مسلح افواج کی خصوصی پریڈ کے لیے تیاریاں جوش و خروش سے جاری ہیں۔ پریڈ گراؤنڈ میں آویزاں ہونے والے قائد اعظم اور علامہ اقبال کی تصاویر اور بل بورڈز بھی تیاری کے آخری مراحل میں ہیں۔
بل بورڈ بنانے والے ماہرین نے یوم پاکستان کے متعلق اپنے جذبات کا اظہار کرتے ہوئے کہا کہ ہم پورا سال 23 مارچ کا انتظار کرتے ہیں۔ ویلڈنگ انچارج پرویز خان نے کہا ہے کہ ہم کوشش کرتے ہیں کہ جذبے اور خوشی کے ساتھ اس کام کو سر انجام دیں۔ ہم کوشش کرتے ہیں کہ ہر ایک کام کو پیار، محبت اور سلیقے سے تیار کریں تاکہ دیکھنے والے بھی خوشی محسوس کریں۔
بل بورڈ فٹر محمد سفیان نے کہا ہے کہ جب ہم اپنے بنائے ہوئے بل بورڈ پر قائد اعظم اور علامہ اقبال کی تصاویر دیکھتے ہیں تو ہمارے دل باغ باغ ہو جاتے ہیں۔ پاکستان ہے تو ہم ہیں اور ہماری بقاء پاکستان کے ساتھ ہے۔
ویلڈنگ انچارج کا کہنا تھا کہ جب ہمارے عزیز و اقارب ٹی وی اسکرین پر ہمارا بنایا ہوا کام دیکھتے ہیں تو ہمارے جذبات بیان بھی نہیں کیے جاسکتے۔
