آسٹریلوی کپتان پیٹ کمنز کو انڈین پریمئیر لیگ ( آئی پی ایل ) 2024 کے لئے سن رائزرز حیدرآباد کا کپتان مقرر کر دیا گیا۔
رپورٹس کے مطابق پیٹ کمنز کو آئی پی ایل 2024 کے لئے سن رائزرز حیدرآباد کا کپتان مقرر کیا گیا ہے اور وہ ایڈن مارکرم کی جگہ لیں گے جنہوں نے 2023 کے سیزن میں ٹیم کی قیادت کی تھی۔
کمنز نے اس سے پہلے آئی پی ایل میں کسی ٹیم کی قیادت نہیں کی ہے۔
لازمی پڑھیں۔ آئی پی ایل 2024، جیمز فرینکلن سن رائزرز حیدرآباد کے بولنگ کوچ مقرر
آسٹریلوی کرکٹر نے بین الاقوامی کرکٹ پر توجہ مرکوز مرکوز کرنے کے لیے آئی پی ایل کے گزشتہ ایڈیشن سے دستبرداری اختیار کر لی تھی لیکن 2024 کے سیزن کی نیلامی میں شامل ہوئے جہاں وہ تاریخی بولی حاصل کرنے والے پہلے کھلاڑی بنے تھے۔
یاد رہے اس سے قبل سن رائزرز حیدرآباد کے بولنگ کوچ ڈیل اسٹین ذاتی وجوہات کی بنا پر عہدے سے دستبردار ہو ئے جس کے بعد نیوزی لینڈ کے سابق آل راؤنڈر جیمز فرینکلن کو ان کی جگہ بولنگ کوچ مقرر کیا گیا۔
