ملتان سلطانز نے کراچی کنگز کو 20 رنز سے شکست دیتے ہوئے پلے آف مرحلے میں جگہ پکی کر لی ہے اور اس موقع پر کوچ نے گفتگو کرتے ہوئے کہا کہ عثمان خان کو اینڈی فلاور نے پک کیا تھا ، شاہین نے اچھی کپتانی کی ہے لیکن جب ٹیم ہارتی ہے تو کپتان برا لگنے لگ جاتاہے ۔
ملتان سلطانز کے کوچ عبدالرحمان نے پریس کانفرنس کے دوران گفتگو کرتے ہوئے کہا کہ ٹیم اچھا پرفارم کررہی ہےامید ہے اختتام بھی اچھا ہوگا ،اسامہ اچھا بولر ہے اُن کی فارم واپس آ گئی ہے ،ویمن کوچزلانے کا مقصد خواتین کو بھی موقع دینا تھا، ہم نے اب تک اپنا فیلڈنگ اسٹینڈرز سیٹ نہیں کیا ،فیلڈرگیند روکتا ہے تو سارے فیلڈر تالی مارنے جاتے ہیں، غیر ملکی کوچز کو لانے کے فیصلہ بورڈ کا ہے ، محمد رضوان اچھے کپتان ہیں جو گراؤنڈ پر نظر آتا ہے ،شاہین نے بھی اچھی کپتانی کی ہے، ٹیم ہارتی ہے تو کپتان برالگنے لگتا ہے۔ ان کا کہناتھا کہ عثمان خان کو اینڈی فلاور نے پک کیا تھا ۔
یاد رہے کہ عثمان خان نے کراچی کنگز کے خلاف میچ میں انتہائی شاندار بیٹنگ کا مظاہرہ کرتے ہوئے 106 رنز کی ناقابل شکست اننگ کھیلی اور ٹیم کی جیت میں اہم کردار اد کیا ۔
میچ میں انتہائی شاندار کارکردگی دکھانے پر پلیئر آف دی میچ قرار دیا گیاہے اور اس موقع پر ان کا کہناتھا کہ کوشش یہی ہوتی ہے جس نمبرپرکھیلوں پرفارم کروں، کوچزاورکپتان نے بلاخوف کھیلنے کا کہا تھا۔
