راولپنڈی میں پاکستان سپر لیگ کے میچز کا آغاز آج سے ہوگا۔
سی پی او راولپنڈی سید خالد ہمدانی کا کہنا ہے کہ پولیس کے 5ہزارسے زائد افسران سیکیورٹی اور ٹریفک فرائض انجام دیں گے،کرکٹ اسٹیڈیم،گردو نواح میں سیکیورٹی کے خصوصی انتظامات کئے ہیں۔
سی پی او نے ہدایات جاری کی ہیں کہ سیکیورٹی کے ساتھ ساتھ ٹریفک کی بلاتعطل روانی کو بھی یقینی بنایا جائے گا،ضلع میں دفعہ 144 کے نفاذ کے حوالے سے بھی تمام ڈیوٹیز الرٹ رہیں گی۔
سیدخالد ہمدانی نےکہا کسی بھِی مقام پرخلاف قانون مجمع کی ہرگز اجازت نہیں، شہری ایسی کسی غیرقانونی سرگرمی کا حصہ بننے سے گریز کریں،پی ایس ایل کے پر امن انعقاد کو یقینی بنایا جائے گا۔
دوسری جانب محکمہ موسمیات نے جڑواں شہروں بارش کی پیشگوئی کی ہے،آج کا میچ متاثر ہونے کا خدشہ ہے,بارش کے باعث اگر دونوں میچز نہ ہوئے تو فینز کو مکمل ٹکٹ ری فنڈ ہوگا اور اگر ایک بھی میچ ہوگیا تو ری فنڈ نہیں ملے گا
پنڈی کرکٹ اسٹیڈیم میں آج 2 میچز شیڈول ہیں،دوپہر کو پشاور زلمی اور لاہور قلندرز جبکہ شام کو اسلام آباد اور کوئٹہ کا میچ ہوگا۔
