مسلم لیگ ( ن ) کے قائد اور سابق وزیر اعظم نواز شریف کا پاکستان تحریک انصاف ( پی ٹی آئی ) کی جانب سے انٹرنیشنل مانیٹری فنڈ ( آئی ایم ایف ) کو لکھے جانے والے خط کے معاملے پر رد عمل سامنے آگیا۔
قومی اسمبلی کے افتتاحی اجلاس میں شرکت کے موقع پر سابق وزیر اعظم نواز شریف کا کہنا تھا کہ آئی ایم ایف کوخط لکھنا ملک دشمنی کے مترادف ہے، کوئی سیاسی جماعت یا فرد ایسا خط نہیں لکھ سکتا، آئی ایم ایف کو جنہوں نے خط لکھا یہ ان کا وطیرہ ہے۔
نواز شریف کا کہنا تھا کہ کوئی اور شخص ایسا نہیں کرسکتا جو بانی پی ٹی آئی نے کیا۔
انہوں نے مزید کہا کہ جو خط لکھا نتیجہ خود ہی اخذ کرلیں۔
