پاکستان سپر لیگ کے 14 ویں میچ میں ملتان سلطانز نے لاہور قلندرز کو 60 رنز سے شکست دیدی ۔
تفصیلات کے مطابق لاہور قلندرز کی پوری ٹیم 17 اوورز میں 154 رنز بنا کر پولین لوٹ گئی جس میں سب صاحبزادہ فرحان واحد بیٹر تھے جنہوں نے 31 رنز بنائے جبکہ ان کے بعد آنے والا کوئی کھلاڑی بھی 30 رنز سے آگے نہ بڑھ سکا، راسی وان ڈیر ڈوسن 30 ، فخر زمان 23 اور سکندر رضا 17 رنز بنانے میں کامیاب ہوئے ۔
ملتان سلطانز کی جانب سے اسامہ میر لاہور قلندرز کے بیٹرز پر قہر بن کر برسے اور 6 کھلاڑیوں کو پولین کی راہ دکھائی جبکہ فیصل اکرم نے 2 وکٹیں حاصل کیں ، ان کے علاوہ خوشدل اور آفتاب ابراہیم نے ایک ایک کھلاڑی کو آوٹ کیا ۔
ملتان سلطانز نے ٹاس جیت کر بیٹنگ کا فیصلہ کیا اور مقرررہ 20 اوورز میں 4 وکٹوں کے نقصان پر 214 رنز بنائے جس میں سے اہم کردار اسامہ خان نے ادا کیا ، انہوں نے 55 گیندوں پر 96 رنز کی اننگ کھیلی لیکن سینچری بنانے میں کامیاب نہیں ہو سکے ، ان کے علاوہ افتخار احمد 40 رنز کے ساتھ ناقابل شکست رہے جبکہ ریز ا ہندرکس نے بھی 40 رنز بنائے ۔ طیب طاہر 21 رنز بنانے میں کامیاب ہوئے ۔
لاہور قلندرز کی جانب سے شاہین شاہ آفریدی نے 2 ، کارلوس برتھ ویٹ اور سکندر رضا نے ایک ایک وکٹ حاصل کی ۔
