پاکستان کے معروف سٹیج آرٹسٹ طاہر انجم قاتلانہ حملے میں زخمی ہوگئے۔
اتوار کے روز صوبائی دارالحکومت لاہور کے علاقے بابو صابو کے قریب سٹیج اداکار طاہر انجم پر قاتلانہ حملہ ہوا جس کے نتیجے میں وہ زخمی ہوگئے۔
موٹر سائیکل پر سوار نامعلوم افراد نے معروف سٹیج آرٹسٹ کو فائرنگ کا نشانہ بنایا جس کی اطلاع ملتے ہی پولیس کی بھاری نفری موقع پرپہنچ گئی اور شواہد جمع کئے۔
حکام کا کہنا ہے کہ سی سی ٹی وی کیمروں کی فوٹیجز کی مدد سے ملزمان کی تلاش جاری ہے۔
ریسکیو ٹیم نے طاہر انجم کو زخمی حالت میں ہسپتال منتقل کر دیا تھا جہاں ڈاکٹرز کا کہنا تھا کہ ان کی حالت خطرے سے باہر ہے۔
