پی ایس ایل کے 12 ویں میچ میں پشاور زلمی نے لاہور قلندرز کو 8 رنز سے شکست دیتے ہوئے اہم کامیابی سمیٹ لی ہے ۔
تفصیلات کے مطابق لاہور قلندرز کی ٹیم 212 رنز کے ہدف کے تعاقب میں لاہور 6 وکٹوں کے نقصان پر 203 رنز بنانے میں کامیاب ہوئی، جس میں راسی وان 105 رنز کے ساتھ ناقابل شکست رہے لیکن ٹیم کو جیت نہیں دلا سکے ۔ان کے علاوہ شائی ہوپ نے 29 ، احسن حفیظ نے 20 اور جہانداد خان نے 13 رنز کی اننگ کھیلی ۔
اس سے قبل لاہور قلندرز نے ٹاس جیت کر فیلڈنگ کا فیصلہ کیا اور پشاور زلمی کو بیٹنگ کی دعوت دی جس پر ٹیم نے 211 رنز بنائے جس میں صائم ایوب نے 88 رنز کی اننگ کھیلی اور ٹاپ سکورر رہے جبکہ بابراظم 48 اور روومان پاول 46 رنز بنانے میں کامیاب
ہوئے ۔
