ویسٹ انڈین وکٹ کیپر بیٹر شائی ہوپ نے لاہور قلندرز کو جوائن کر لیا۔
ویسٹ انڈین وکٹ کیپر بلے باز شائی ہوپ لاہور پہنچ گئے ہیں اور انہوں نے لاہور قلندرز کے سکواڈ کو بھی جوائن کر لیا ہے۔
شائی ہوپ اس سے قبل بنگلہ دیش پریمئیر لیگ ( بی پی ایل ) میں مصروف تھے جس کے باعث وہ پاکستان سپر لیگ ( پی ایس ایل ) میں شرکت نہیں کر سکے۔
تاہم، ہوپ اب پی ایس ایل کے باقی میچز میں لاہور قلندرز کو مکمل دستیاب ہوں گے۔
یاد رہے کہ لاہور قلندرز اور کراچی کے درمیان پی ایس ایل کا ہائی وولیٹج ٹاکرا آج شام سات بجے قذافی سٹیڈیم میں ہوگا۔
خیال رہے کہ دونوں ٹیموں کے درمیان ہونے والا میچ ایونٹ کا دسواں میچ ہوگا۔
