اسلام آباد یونائیٹڈ کے ہیڈ کوچ مائیک ہیسمین نے کوئٹہ گلیڈی ایٹرز کے ہاتھوں شکست کی وجہ بتادی۔
یاد رہے کہ پاکستان سپر لیگ ( پی ایس ایل ) ایڈیشن 9 کے آٹھویں میچ میں اسلام آباد یونائیٹڈ کو کوئٹہ گلیڈی ایٹرز کے ہاتھوں تین وکٹوں سے شکست کا سامنا کرنا پڑا۔
میچ کے بعد پریس کانفرنس کرتے ہوئے اسلام آباد یونائیٹڈ کے کوچ مائیک ہیسمین کا کہنا تھا کہ ہم پاور پلے کے بعد اچھا نہیں کھیل سکے، 10 رنز مزید بنا لیتے تو نتیجہ بہتر ہوتا۔
مائیک ہیسمین کا کہنا تھا کہ پچ اچھی تھی ، ہمیں مناسب انداز میں کھیلنے کی ضرورت تھی۔
انہوں نے حنین شاہ کی باؤلنگ کی تعریف کرتے ہوئے کہا کہ میں اس کی باؤلنگ سے خوش ہوں، وہ اپنے کھیل کو جانتا ہے اور اسے اس میں مہارت حاصل ہے۔
