بلوچستان کے میڈیکل کالجز میں داخلے کے لیے ایم ڈی کیٹ ٹیسٹ کے نتائج کا اعلان کردیا گیا
بولان یونیورسٹی آف میڈیکل اینڈ ہیلتھ سائنسز کے وائس چانسلر پروفیسر ڈاکٹر شبیر احمد لہڑی کے مطابق بلوچستان کے میڈیکل کالجز کے لیے ہونے والے ایم ڈی کیٹ کے انٹری ٹیسٹ میں 9234 امیدوار نے اپلائی کیا تھا جبکہ انٹری ٹیسٹ میں 9082 امیدواروں نے حصہ لیا ٹیسٹ میں حاضری کا تناسب %98.35 فیصد رہا۔
پاکستان میڈیکل اینڈ ڈینٹل کونسل کے معیار کے مطابق ایم بی بی ایس کے پاسنگ مارکس %55 فیصد ہے جس میں %22.93 فیصد امیدواروں نے کامیابی حاصل کی جبکہ بی ڈی ایس کے پاسنگ مارکس %50 فیصد ہے جس میں %33.07 فیصد امیدواروں نے کامیابی حاصل کی ، ایم ڈی کیٹ انٹری ٹیسٹ بلوچستان میں سب سے زیادہ نمبر 174 یعنی %87 حاصل کیے۔
بولان میڈکل کالج کی 300 مکران میڈیکل کالج کی 50 ، جھالاوان میڈکل کالج کی 50 ، لورالائی میڈکل کالج 50 ہائیر ایجوکيشن کی 20 ، غیر ملکی طلبا۶ وطالبات کے لیے18 اور دیگر صوبوں کے لیے 36 یعنی بلوچستان میں مجموعی طور پر ایم بی بی ایس کی 524 سیٹیں مختص ہیں ہیں اور بی ڈی ایس کے لیے بولان میڈکل کالج کی 54 سیٹیں مختص ہیں۔
