آئی سی سی نے اندر 19 ورلڈ کپ کا شیڈول جاری کر دیاہے جس کے تحت ورلڈکپ جنوبی افریقہ میں کھیلا جائے گا ۔
تفصیلات کے مطابق انڈر 19 کرکٹ ورلڈ کپ ساؤتھ افریقہ میں کھیلا جائے گا ، انڈر 19 ورلڈ کپ سری نکا میں شیڈولڈ تھا رکنیت معطل ہونے پر ساؤتھ افریقہ سے منتقل کیا گیا تھا ، انڈر 19 کرکٹ ورلڈ کپ 19 جنوری سے شروع ہو گا ، ٹورنامنٹ کا فائنل 11 فروری کو کھیلا جائے گا ۔
ٹورنامنٹ کے 41 میچز ساؤتھ افریقہ کے پانچ وینیوز پر ہوں گے ، وارم اپ میچز 13 سے 17 جنوری تک ہوں گے ، گروپ اے میں انڈیا ، بنگلہ دیش، آئر لینڈ اور امریکہ شامل ہیں جبکہ گروپ بی میں انگلینڈ ، ساؤتھ افریقہ ، ویسٹ انڈیز اور اسکاٹ لینڈ شامل ہیں۔
گروپ سی میں آسٹریلیا ،سری لنکا ، ز مبابوے ، نمیبیا، گروپ ڈی میں افغانستان پاکستان نیوزی لینڈ اور نیپال شامل ہیں ۔پاکستان انڈر 19 ٹیم 20 جنوری کو افغانستان کے خلاف میچ کھیلے گی ،پاکستان انڈر 19 ٹیم 24 جنوری کو نیپال اور 27 جنوری کو نیوزی لینڈ کے خلاف میچ کھیلے گی۔
یہاں امر قابل ذکر ہے کہ پاکستان اور بھارت کے گروپ مختلف ہونے کے باعث ابتدائی سٹیج پر دونوں ٹیموں کے درمیان میچ نہیں ہو گا تاہم پاکستان اگر اگلی سٹیج پر پہنچتا ہے تو آمنا سامنا ہو سکتا ہے ۔
