مردان گوردوارہ میں سکھ جوڑے کے قتل میں ملوث ملزم کو گرفتار کرلیا گیا۔ گرفتار ملزم خود پولیس اہلکار ہے جو گوردوارہ میں ڈیوٹی انجام دے چکاہے۔
ڈی پی او مردان مسعود احمد کے مطابق گرفتار ملزم شیر شاہ ایک پولیس اہلکار ہے جو ماضی میں گوردوارے میں تعینات رہ چکا ہے ۔
ابتدائی تحقیقات کے دوران مختلف پہلوؤں کا جائزہ لیا گیا تاہم واقعے میں دہشت گردی یا کسی منظم نیٹ ورک کے ملوث ہونے کے شواہد نہیں ملے۔ تاہم ملزم یہ ملزم کا انفرادی فعل ہے وہ ایک سخت مذہبی نظریات رکھتا ہے۔
انہوں نے کہا کہ ملزم گزشتہ روز موٹر سائیکل پر گوردوارے پہنچا۔ دروازے پر دستک دینے کے بعد منتظم نے اوپر سے رسی کھینچ کر داخلی دروازہ کھولا، جس کے بعد ملزم عمارت کی دوسری منزل پر پہنچا اور وہاں موجود سکھ جوڑے پر فائرنگ کر دی ۔
واردات کے بعد ملزم فرار ہوگیا تھا تاہم پولیس نے جدید تفتیشی ذرائع اور شواہد کی مدد سے اسے گرفتار کر لیا۔
