ملکی پاور سیکٹر میں جدت اور مؤثر حکمرانی کے فروغ کے لیے وزیر توانائی اویس لغاری کی قیادت میں پبلک سیکٹر کی پہلی ڈیٹا گورننس کونسل قائم کر دی گئی ہے۔
ترجمان پاورڈویژن کا کہنا ہےکہ ماضی میں مختلف اداروں کی جانب سے متضاد اعداد و شمارجاری کیےجانے کے باعث پالیسی سازی اورمنصوبہ بندی میں مشکلات پیش آتی رہی ہیں،جبکہ کمزورکوالٹی کنٹرول اور ناقص ڈیٹا سیکیورٹی نے رپورٹنگ کے نظام کو بھی متاثر کیا۔
پاورڈویژن کےمطابق نئی ڈیٹا گورننس کونسل کوعالمی معیار کےمطابق تشکیل دیاگیا ہے، جس کے ذریعے تمام اسٹیک ہولڈرز ایک ہی مستند اور قابلِ اعتماد ڈیٹا کی بنیاد پر فیصلے کر سکیں گے۔
اس اقدام سے بجلی کی طلب کا زیادہ درست تخمینہ لگانے، ممکنہ خطرات کی بروقت نشاندہی کرنے اور انفراسٹرکچر کی ترقی و وسائل کے مؤثر استعمال میں نمایاں بہتری آئے گی۔
سرمایہ کاروں کو تصدیق شدہ اور قابلِ اعتماد ڈیٹا تک براہِ راست رسائی حاصل ہوگی،جس سے توانائی کا شعبہ غیر ملکی سرمایہ کاری کے لیے مزید پرکشش بنے گا اور مستقبل کی منصوبہ بندی میں شفافیت اور کارکردگی بہتر ہوگی۔
