لاہور سے ملنے والی بوری بند لاش کا معمہ حل کرلیا گیا ، مقتول پراپرٹی ڈیلر کو بلیک میلنگ کے تنازع پر خاتون نے ساتھیوں کے ساتھ مل کر قتل کیا اور لاش جلادی ۔
پولیس کے مطابق مقتول اشرف پراپرٹی ڈیلر تھا جس نے نسیم نام کی خاتون کو مکان کرایہ پر لیکر دیا ۔ مقتول کی کچھ رقم ملزمہ کی طرف ادھار تھی ۔ مقتول نے ملزمہ اور اس کی بیٹی کی نازیبا ویڈیو بنا رکھی تھی اور بلیک میل کرتا تھا ۔ ملزمہ نے اپنے دو ساتھیوں کے ہمراہ اشرف کو قتل کیا اور لاش بوری میں بند کرکے چندرائے روڈ پر لیجاکر کر جلا دی ۔ کلوزسرکٹ فوٹیج کی مدد سے خاتون کی شناخت کرکے دو ساتھیوں سمیت گرفتار کرلیا گیا ہے ۔
