فرانسیسی صدر میکرون کو ان کی بیوی کی طرف سے پڑنے والے تھپڑ کی وجہ سامنے آگئی۔
فرانسیسی صدر ایمانوئل میکرون اور ان کی اہلیہ بریگزٹ میکرون سے متعلق ایک نئی کتاب میں ویتنام کے دورے کے دوران صدر کو خاتون اول کی طرف سے تھپڑ والے مبینہ واقعے پر نئے دعوے سامنے آئے ہیں۔
ایک صحافی نے اپنی نئی کتاب میں یہ دعویٰ کیا ہے کہ فرانسیسی صدر میکرون کو ان کی بیوی کی طرف سے پڑنے والے تھپڑ کی وجہ ایرانی نژاد اداکارہ گل شیفتہ فرہانی ہے تاہم فرانسیسی صدارتی محل اور خاتونِ اول کی ٹیم نے اسے واضح طور پر رد کیا ہے۔ گلشیفتہ فرہانی نے بھی کسی رومانوی تعلق کی تردید کی ہے۔
کتاب میں میں مؤقف اختیار کیا گیا ہے کہ مئی 2025 میں وائرل ہونے والی ویڈیو میں نظر آنے والا منظر محض مذاق نہیں تھا بلکہ ایک ذاتی نوعیت کا جھگڑا تھا۔ مصنف کے مطابق اس مبینہ جھگڑے کی وجہ صدر کے فون پر موصول ہونے والے کچھ پیغامات تھے جن کا تعلق ایک فرانسیسی نژاد ایرانی اداکارہ سے بتایا گیا ہے
متعلقہ اداکارہ کی جانب سے بھی پہلے ایسے الزامات کی تردید کی جا چکی ہے۔اب تک اس معاملے پر کوئی آزاد اور حتمی ثبوت سامنے نہیں آیا، جس کے باعث یہ خبر فرانسیسی میڈیا میں بحث کا موضوع بنی ہوئی ہے۔
