اسلام آباد سے روڈ ٹو مکہ کی پہلی حج پرواز 270 عازمین لے کرمدینہ منورہ روانہ ہوگئی ۔ وزیرمذہبی امور سردار محمد یوسف اور سعودی ڈپٹی ہیڈ مشن سمیت دیگر نےعازمین کو الوداع کہا۔ سردار محمد یوسف عازمینِ حج پر پاکستان کے سفیر کے طور پر ملک کی بہترین نمائندگی کرنے پر زور بھی دیا۔
اسلام آباد انٹرنیشنل ایئرپورٹ سے حج 2026 کی روڈ ٹو مکہ پروجیکٹ کی پروازوں کا آغاز ہوگیا۔ سعودی ائرلائن کی فلائٹ 270 عازمین کو لے کر مدینہ منورہ روانہ ہو گئی۔
حج کی سعادت کیلئے جانے عازمین کو وفاقی وزیر مذہبی امور سردار محمد یوسف، سعودی ڈپٹی ہیڈ مشن محمد ال علی اور دیگر حکام نے الوداع کہا۔ افتتاحی تقریب سے خطاب کرتے ہوئے وزیر مذہبی امور نے کہا کہ عازمین کو باوقار اور سہل سفر کی فراہمی حکومت کی اولین ترجیح ہے۔
سعودی پرواز سے جانے والے عازمین نے ٹریننگ، امیگریشن اور ویکسین سمیت حاجی کیمپوں میں تمام انتظامات کو تسیلی بخش قرار دیا۔
وفاقی وزیر نے بتایا کہ عازمین کو سعودی عرب پہنچتے ہی مفت سم فراہم کی جائے گی ۔ عازمین پر زور دیا کہ پاکستان کے سفیر کے طور پر بہترین نمائندگی کریں۔ سعودی قوانین کی مکمل پاسداری، صبر اور نظم و ضبط کا مظاہرہ کیا جائے۔ حرمین شریفین میں پاکستان اور امت مسلمہ کیلئے خصوصی دعائیں کی جائیں ۔
