امریکی صدر ڈونلڈ ٹرمپ نے ایران کےخلاف جنگ ختم کرنےکا عندیہ دے دیا۔
سوشل میڈیا پرجاری پیغام میں امریکی صدر ڈونلڈ ٹرمپ نےکہا ہم اپنے مقاصد کےحصول کے بہت قریب پہنچ چکےہیں،ایران کی میزائل صلاحیت،لانچرزکومکمل طور پر تباہ کرنا،ایران کےدفاعی صنعتی ڈھانچے کوختم کرنا،ایرانی بحریہ اورفضائیہ بشمول فضائی دفاعی نظام کاخاتمہ کرنا،ایران کو کسی بھی صورت ایٹمی صلاحیت کے قریب نہ جانے دینا اہداف میں شامل تھے، ایسی کسی صورتحال میں امریکا فوری اور بھرپور ردِعمل دے گا،اپنے مشرقِ وسطیٰ کےاتحادیوں کو اعلیٰ ترین سطح پرتحفظ فراہم کریں گے۔
صدرٹرمپ نےکہاآبنائے ہرمزکی نگرانی اورحفاظت اُن ممالک کو کرنی ہوگی جو اسے استعمال کرتے ہیں کہا جائے تو ہم ان ممالک کی اس حوالے سے مدد کریں گے،تاہم ایران کے خطرے کے خاتمے کے بعد اس کی ضرورت نہیں ہونی چاہیے۔
دوسری جانب قانونی سازی میں ساتھ نہ دینےپرصدرٹرمپ نے ڈیموکریٹس کو دھمکی دیدی،کہا ایئرپورٹ سیفٹی کیلئےفنڈ نہ دیےتو ایئرپورٹس پرآئی سی ای ایجنٹس تعینات کروں گا،آئی سی ای ایجنٹس تمام غیر قانونی تارکین وطن کو ایئرپورٹ پر ہی گرفتار کریں گے۔
