وزیرپیٹرولیم علی پرویز ملک کا کہنا ہے کہ عید کے دن ہماری خوشیاں مدھم ہیں کیونکہ پورا خطہ اس وقت آگ کی لپیٹ میں ہے۔
انہوں نے کہا کہ وزیراعظم شہباز شریف نے مشکل حالات میں جرات مندانہ فیصلے کیے ہیں، پاکستان تحریک انصاف کی حکومت ملک کو دیوالیہ پن کی طرف لے گئی تھی۔
علی پرویز ملک نے کہا کہ عالمی سطح پر پیٹرولیم مصنوعات کی قیمتیں بلند ترین سطح پر پہنچ چکی ہیں۔ ان کے مطابق جمعہ کے روز عالمی منڈی میں تیل کی قیمت 170 ڈالر فی بیرل تک جا پہنچی، جبکہ قیمتیں 80 ڈالر فی بیرل سے بڑھ کر 200 ڈالر تک جا چکی ہیں۔
انہوں نے مزید کہا کہ وزیراعظم نے ریفائنریز کو ہدایت کی ہے کہ مہنگا ایندھن خریدنے سے گریز نہ کیا جائے تاکہ ملک میں فراہمی متاثر نہ ہو۔
ان کا کہنا تھا کہ حکومت نے اخراجات کم کرنے کے لیے کابینہ ارکان کی تنخواہوں میں بھی کٹوتی کی ہے، جبکہ عالمی منڈیوں میں آج بھی تیل کی قیمتوں میں اضافہ جاری ہے۔
