اسلام آباد ہائیکورٹ میں بانی پی ٹی آئی کو طبی بنیادوں پر سزا معطل کرکے ضمانت پر رہا کرنے کی نئی درخواست دائر کردی گئی۔
بیرسٹرسلمان صفدر اور خالد یوسف چوہدری کے ذریعے درخواست دائر کی،190 ملین پاؤنڈ کیس میں سزا معطلی کی جلد سماعت کی متفرق درخواست بھی دائر کی گئیں ہیں۔
درخواست میں موقف اختیارکیا گیا کہ بانی پی ٹی آئی آنکھ کی ایک سنگین بیماری میں مبتلا ہیں،آنکھ کی بیماری کی تشخیص پمز کے ڈاکٹرمحمد عارف نےکی تھی،ڈاکڑ نے قرار دیا کہ دائیں آنکھ خون کے لوتھڑے کے باعث شدید متاثرہوچکی۔
درخواست میں کہا گیا کہ بیماری کے نتیجےمیں دائیں آنکھ کی بینائی صرف 15 فیصد رہ گئی ہے،جیل میں علاج ممکن نہیں،بانی کی عمر 73 سال ہے،ضمانت پر رہا کیا جائے۔
بیرسٹر سلمان صفدر نےاسلام آباد ہائیکورٹ میں میڈیا سے گفتگو کرتے ہوئے کہابانی پی ٹی آئی کے کیسز آئندہ ہفتے مقرر کیے جائیں،بانی کی آنکھ کے مرض کے بعد جلد سماعت کی درخواست دائر کی،بشری بی بی خاتون ہیں،ان کو بھی ایک سال سے ضمانت نہیں ملی،درخواست کی ہے کہ پیر کو بانی اور بشری بی بی کی ضمانت درخواستیں مقرر کریں۔
