امریکی ریاست ٹیکساس سے تعلق رکھنے والے رچرڈ ڈی فریز نے ایک گھنٹے میں 250 کاغذی جہاز بنا کر گنیز بک آف ورلڈ ریکارڈز میں اپنی جگہ بنا لی۔
رچرڈ ڈی فریز نے دو سال قبل اس منفرد ریکارڈ کو درج کروانے کے لیے درخواست دی تھی۔ اُن کے مطابق انہیں دسمبر 2025ء میں باضابطہ طور پر ریکارڈ بنانے کی کوشش کی منظوری ملی، جس کے بعد انہوں نے باقاعدہ تیاری شروع کی۔
اس ہفتے رچرڈ ڈی فریز نے مقررہ ایک گھنٹے کے دوران 250 کاغذی جہاز بنا کر نیا عالمی ریکارڈ قائم کیا۔ گنیز ورلڈ ریکارڈز کے ایک آفیشل نے موقع پر موجود رہ کر تمام جہازوں کا تفصیلی جائزہ لیا اور تصدیق کی کہ بنائے گئے تمام جہاز اُڑنے کے قابل تھے۔
