بلوچستان کےضلع قلعہ سیف اللہ اور اس کے گردونواح میں زلزلے کے جھٹکے محسوس کیے گئے،جس کے باعث شہریوں میں خوف و ہراس پھیل گیا۔
زلزلہ پیما مرکز کے مطابق زلزلے کی شدت ریکٹر اسکیل پر 3.1 ریکارڈ کی گئی، جبکہ اس کی گہرائی 16 کلومیٹر تھی،زلزلے کا مرکز مسلم باغ سے 100 کلومیٹر شمال مشرق میں واقع تھا۔
ابتدائی اطلاعات کےمطابق زلزلے سے کسی جانی یا مالی نقصان کی اطلاع موصول نہیں ہوئی، تاہم زلزلے کے باعث علاقے میں خوف و ہراس پھیل گیا ۔شہری کلمہ طیبہ کا ورد کرتے ہوئے گھروں سے باہر نکل آئے۔
دوسری جانب حیدرآباد میں 3.4 شدت کا زلزلہ ریکارڈ کیا گیا ،زلزلہ پیما مرکز کےمطابق زلزلے کی گہرائی 10 کلومیٹر ریکارڈ کی گئی، زلزلہ 12:20 منٹ پر آیا ہے۔
