کراچی میں پیش آنے والےسانحہ گل پلازہ کے بعد پنجاب ایمرجنسی سروسز نے لاہور میں فائر سیفٹی آلات اور حفاظتی انتظامات کا ازسرِنو جائزہ لینا شروع کر دیا ہے۔
شہر کےبڑے تجارتی مراکز اورپلازوں کی چیکنگ جاری ہےجبکہ خستہ حال اور غیر محفوظ عمارتوں کی نشاندہی بھی کی جا رہی ہے۔ریسکیوحکام کےمطابق صوبائی دارالحکومت میں اب تک 13 عمارتوں کو غیرمحفوظ قراردیا جا چکا ہے،کئی بڑی عمارتوں میں آگ لگنے کی صورت میں ہنگامی اخراج کے انتظامات اور حفاظتی اقدامات کو ناکافی قرار دیا گیا ہے۔
سیکرٹری ایمرجنسی سروسزڈاکٹر رضوان نصیرکا کہنا ہےکہ سانحہ گل پلازہ کےبعد پنجاب ایمرجنسی سروسز نے اپنی مشینری اورفائر فائٹنگ آلات کا ازسرِنوجائزہ شروع کر دیاہے،جبکہ حساس عمارتوں کی انتظامیہ کو فوری طور پرحفاظتی اقدامات مکمل کرنےکی ہدایات بھی جاری کی گئی ہیں۔
دوسری جانب نائب صدرحفیظ سینٹرمون زید کا کہنا ہے کہ اب بھی شہرکی متعدد عمارتوں میں فائر سیفٹی ایس او پیزکو نظراندازکیا جا رہا ہے،جو کسی بڑےحادثےکا سبب بن سکتا ہے، انتظامیہ کی جانب سے غیر محفوظ عمارتوں کی جیوٹیگنگ کا عمل بھی شروع کر دیا گیا ہےتاکہ ایسی عمارتوں کا ریکارڈ مرتب کیا جا سکے اوربروقت اقدامات ممکن بنائے جا سکیں۔
