معروف امریکی پاپ گلوکارہ بیونسے ارب پتیوں کی فہرست میں شامل ہونے والی پانچویں موسیقار بن گئیں۔
معروف بزنس میگزین فوربز نے بیونسےکو باضابطہ طور پر ارب پتی شخصیات کی فہرست میں شامل کر لیا ہے۔وہ موسیقی کی تاریخ میں یہ سنگ میل عبور کرنے والی پانچویں موسیقار بن گئی ہیں،فوربز کی رپورٹ کے مطابق امیر ترین موسیقاروں کی فہرست میں بروس اسپرنگزٹین، ریحانہ، ٹیلر سوئفٹ اور جے زیڈ شامل ہیں۔
فوربزکی رپورٹ کےمطابق 44 سالہ بیونسے نے 2025 میں اپنی کامیاب کاؤ بوائےکارٹرٹورمکمل کی،جس نے 407 ملین ڈالر سے زائد کی ریکارڈ کمائی کی، یہ ٹور ان کے 2024 میں ریلیز ہونے والے میگا ہٹ اسٹوڈیو البم کاؤ بوائے کارٹر کے بعد شروع کیا گیا تھا، جسے عالمی سطح پر بےپناہ پذیرائی ملی۔
ماہرین کے مطابق 2025 میں بیونسےکی مجموعی دولت 1 ارب ڈالر سے تجاوز کر چکی ہے، جس کی بڑی وجوہات میں ٹورنگ، میوزک کیٹلاگ رائلٹیز اور اشتہاری معاہدوں سے حاصل ہونے والی 148 ملین ڈالر سے زائد آمدن شامل ہے۔
